ZAYCO NANGINWALA SA ALEGASYON NGA PAGPA-KAKAS SA MGA POSTERS NI ATTY. RAMOS SA PLAZA

Share on facebook
Share on google
Share on pinterest
Share on twitter
Share on print
Ginpangiwala ni Kabankalan City Mayor Isidro Zayco nga ginpakakas niya ang mga posters nga nabutang sa Kabankalan public plaza nga justice for Atty. Benjamin Ramos. 
Suno kay Zayco, wala siya nagmando nga kakason ang mga ini, sa baylo ginpagustohan niya gani nga magbutang sang amo nga mga posters. 
Dugang pa sang Alkalde, wala man niya ginabalibaran ang hingyo sang pamilya nga magpatigayon sang rally protesta sa plaza publika. 
Palayag pa ni Zayco, diretso ina sang pamilya nga magsinggitan sang hustisya. Si Ramos suod man nga abyan sang alkalde.*Aksyon Bryan Morden

PH FLAG SA BGC KAG PROVINCIAL CAPITOL NAKA HALF-MAST KASUNOD SANG PAGTALIWAN NI ANAY PRESIDENTE BENIGNO AQUINO

Parehas nga naka half-mast ang hayahay sang Pilipinas sa Bacolod Government Center kag sa Kapitolyo Probinsyal.

Ini bilang pagpakita sang respeto sa nagtaliwan nga si anay Presidente Benigno Aquino III kaina sang aga, Hwebes.

Si Mayor Bing Leonardia ang nag isyu sang Executive Order No. 33 series of 2021 nga naga mando nga i-half-mast ang tanan nga PH flag sa syudad sang Bacolod.

Sa mensahe ni Leonardia, ginpahayag nga nagbugtaw ang bug-os nga pungsod sa masubo nga balita angut sa wala gina paabot nga pagtaliwan sang anay Presidente.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Samtang, nagpabutyag sang kasubo si Vice Mayor Elcid Famillaran sa natabo nga pag taliwan ni Aquino.

Suno kay Famillaran, indi man sila personal nga kilalahay ni Aquino, apang nangin partymate sini sa Liberal Party si Aquino sadtong tiyempo nga ini ang napilian bilang konsehal sang Bacolod.

Dugang pa ni Famillaran, ang pagtaliwan ni Aquino ang isa ka klaro nga manipestasyon nga tanan kita sigurado nga madula sa kalibutan apang wala lamang mahibaluan ang pat-od nga tiyempo.

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.