GIN ALEGAR YUNIT MILISYA SANG NPA PATAY SA ENKWENTRO SA MOISES PADILLA SUNO SA MILITAR

Share on facebook
Share on google
Share on pinterest
Share on twitter
Share on print

Patay ang isa ka ginpatihan miyembro sang Yunit Milisya sang New People’s Army ukon NPA sa enkwentro nga nagluntad sa Barangay Macagahay, Banwa sang Moises Padilla, Hwebes sang hapon.

Ang napatay ginkilala kay Rio Jacaba, legal ang edad kag nagapuyo sa amo man nga lugar.  Narekober sa puder ni Jacaba ang isa ka kalibre 45, mga bala kag mga subversibo nga dokumento sang NPA. 

Suno kay 3rd Infantry Division Spokesperson Army Major Pancito Cenon, nakbaton sang tawag ang 62nd Infantry Brigade nga may presensya sang mga persona sa amo nga Barangay. 

Sang ginpadulongan ini kunpirmado nga yara sa lugar ang mga tatlo ka armado kag nagluntad ang duha minutos nga lukpanay.  

Ang bangkay sang napatay yara karun sa puder sang Moises Padilla para sa dugang documentation.  | Aksyon Bryan Morden

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

MORE STORIES:

LIKE US ON FB

error: Ooops... You are not authorized to copy this content.