Gin-aprobahan sang Western Visayas Regional Inter-Agency Task Force (WVRIATF) ang suspensyon sa pagbaton sa mga Locally Stranded Individuals (LSIs) sa syudad sang Bago, Sagay, kag La Carlota, Negros Occidental.
Ang pag-approbar ginpirmahan ni WVRIATF Covid-19 Chairperson Juan Jovian E. Ingeniero, napetsahan Nobyembre 20, 2020. Sandig sa resolution no. 72 sang RIATF, magaumpisa ang suspensyon sa syudad sang Bago sa Nobyembre 26 tubtub Desyembre 5, 2020, Sagay Nobyembre 26 tubtub Desyembre 10, 2020 kag La Carlota nga magasugod Desyembre 22, 2020 tubtub Enero 2, 2021.
Ginrason sang amo nga mga local government units nga kinahanglan nila sang nagakaigo nga tion para makapreparar sang quarantine facilities, kag makapatigayon sang decongestion, kag disinfection antis mag-akomodar sang bag-o nga batch sang mga LSIs. . | Aksyon Marlon Genovea
