WESTERN VISAYAS MAY 24 KA COVID-19 SURVIVORS

Share on facebook
Share on google
Share on pinterest
Share on twitter
Share on print

Nagsaka na sa 24 ang Covid-19 survivor sa Western Visayas.

Base sa Bulletin Number 30 sang DOH Western Visayas For Health Development nga gin pagwa subong nga adlaw, 10 ang bag-o nga nakarecover sa Covid-19, duha ang gikan sa Bacolod, apat ang gikan sa Lambunao, Iloilo, isa sa Roxas City, Capiz, duha sa Pavia, Iloilo kag isa sa Pandan, Antique.

Subong nga adlaw, 79 ka mga lab results ang nag nagwa kag tanan ang negatibo sa Covid-19.

Suno sa DOH 6, nag taliwan si Western Visayas Patient 41, isa ka 63 anyos nga lalaki nga residente sang Roxas City, Capiz.

Ang Western Visayas ang may 58 tanan ka mga kumpirmado nga Covid-19 cases. | Aksyon Dale Salazar

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.