WANTED PERSON NADAKPAN SA CALATRAVA

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

6K KA BAG-O NGA PWD IDs NA ISYU NA SANG DSSD BACOLOD

Naglambot na sa 6 mil ka mga bag-o nga PWD IDs ang na release sang DSSD Bacolod pila ka adlaw ang nabilin antes ang deadline nga Abril 30, 2024.

Ginpahayag ni Alma Gustilo, officer-in-charge sang DSSD Bacolod, 8 mil ang populasyon sang mga PWDs sa Bacolod kag ginapangabay nga indi na paghulaton ang deadline sa pagkuha sang ID nga may QR Code para malikwan ang magdinaguso.

Suno kay Gustilo, ang PWD nga mabudlay ang sitwaston, ang pwede makigangut sa mga PWD association sa Barangay sa pag proseso sang ila nga ID.

Bukas ang Government Service Express sang LGU kag Bacolod Express Service Office sa Ayala Malls sa Sabado kag Dominggo nga adlaw.

Umpisa Mayo 1, 2024 indi na valid ang daan nga PWD ID sang Bacolodnon kon wala sang QR Code.