WALO KA NEGRENSE CENTENARIANS NAG BATON SANG TIG 100K GIKAN SA PROBINSYA

Share on facebook
Share on google
Share on pinterest
Share on twitter
Share on print
(Capitol PIO Photo)

Personal nga ginhatag ni Governor Bong Lacson ang P100,000 nga bulig pinansiyal sa walo ka mga  Negrense Centenarians sa syudad sang Escalante, Sagay, Cadiz kag munisipalidad sang Manapla kag E.B. Magalona.

Ang mga  centenarians amo sanday Adoracion Monido, Josefina Gonzaga, Encarnacion Alegado, Juan Diesma, Lilia Deocampo, Rosario Guintalaga-an, Marcela Lucareza,  kag Nieves Concerman.

Sila ang ginhatagan man sang Certificates of Centenarian Award sa presensya ni Provincial Social Welfare and Development Office OIC Merle Garcia, mga staff sini, kag local government officials.

Sadtong 2019,  33 ka mga centenarians ang nagbaton sang tig P100,000 sa selebrasyon sang ika 121 nga Al Cinco de Noviembre ukon Negros Day . | Aksyon Marlon Genovea

NOCPPO MAY DUGANG DUHA KA COVID-19 CASES

Nadugangan sang 2 ka kaso sang COVID-19 ang Negros Occidental Police Provincial Office ukon NOCPPO.

Suno kay NOCPPO Deputy Spokesperson P/Lt. Abegael Donasco, indi pa nila mapalayag kun diin nga estasyon sila na assign, bangud padayon pa nga ginahibalo ang ila mga estado.

Dugang ni Donasco, ang mga ini asymptomatic nga gilayon ginpahamtang sa isolation facility kag padayon na ang contact tracing.

Karun sini, may 40 na nga nagpositibo sa kapulisan sa idalum sang NOCPPO kag duha lang ang aktibo.

Ginpasiguro naman sang NOCPPO nga indi maapektuhan ang transaksyon sa mga estasyon nga may nagpositibo nga pulis. | Aksyon Bryan Morden

MAYOR BING NAGKLARO NGA ANG 650K DOSES SANG BAKUNA ANG INDI BALOR 300M

Ginklaro ni Bacolod Mayor Evelio Leonardia nga indi 300 million pesos ang balor sang 650,000 doses sang bakuna nga ginbakal sa AstraZeneca.

Suno kay Leonardia, ang ini nga isyu ang ginausar sang iya kontra sa pulitika para mapatalang ang tawo.

Dugang pa ni Leonardia, ang 650,000 doses ang first order pa lamang.

Ginpaathag ni Leonardia nga indi niya pag mapalayag ang presyo sang bakuna bangud may yara sang confidentiality agreement.

“There are people using that to mislead, ang mga kontra ko sa politika bala.  They are trying to make it appear nga ang 300M is the budget for 650,000 doses. No. The 300M is the budget. The 650,000 doses is just our first order.  So it’s not 300M,” suno kay Leonardia.

Sa nahibaluan, ang Bacolod ang yara sa ikalima nga LGUs sa Pilipinas nga nagpain sang dako nga pondo para sa pagbakal sang bakuna kaangay sang Davao City, Quezon City, Makati City, kag Manila. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.