WALO KA CLASSROOMS SANG DMLMHS, NASUNOG

Share on facebook
Share on google
Share on pinterest
Share on twitter
Share on print

Kapin sa tunga sa milyon ka pesos ang inisyal nga kahalitan matapos gintupok sang kalayo ang walo ka hulot buluthuan sang Doña Montserrat Lopez Memorial High School sa Brgy. Rizal syudad sang Silay las 5 ang takna sang hapon, Nobyembre 11.

Suno kay Fire Officer 3 Edgardo Dellomes, supervisor sang Bureau of Fire Protection sa amu nga syudad na fire out ang kalayo las 5:25 sang hapon.

Dugang pa ni Dellomes, electrical wirings ang ginhalin sang kalayo kag madasig naglapta sa iban pa nga classrooms bangud nga human sa light materials.

Nahibaluan nga nag abot man ang Amity, Chamber kag Talisay Disaster Risk Reduction Management.

Angut sini, magapadala sang report ang Disaster Risk Reduction Management Department of Education Silay Division sa Central Office angut sa sunog nga natabo sa amu nga eskwelahan.

Suno naman kay PDO2 Sammy Javines sang DRRM DepEd-Silay Division, may budget nga ginapa-in ang Dep Ed para sa mga kaangay nga sitwasyon.

Dugang pa ni Javines, ila nalang ginahulat ang report sang Bureau of Fire Protection lakip man ang report sang principal kon pila ang apektado nga estudyante para makarequest sa Dep Ed central office para gilayon nga makatukod sang bag o nga mga classrooms ang amo nga buluthuan.

Samtang may klase sa gihapon subong nga adlaw (Nov. 12) ang buluthuan apisar sang insidente.

Ini suno kay Rodito Badian, principal sang amo nga eskwelahan. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.