VP ROBREDO, GINPASANGKAD PA ANG PROGRAMA PARA SA MANGINGISDA

Share on facebook
Share on google
Share on pinterest
Share on twitter
Share on print

Ginpasangkad pa ni Vice President Leni Robredo ang “ Angat Buhay Program” sang iya talatapan para sa mga mangingisda sa Negros Occidental.

Sa pamulong-pulong ni Robredo sa ika-lima nga Negros Occidental Small Fishers Alliance ( NOSFA ) Congress sa siudad sang Bacolod, iya ginpahayag nga padayon ginatinguhaan sang iya talatapan nga mabuligan ang mga mangingisda agud mapasanyog ang ila palangabuhian, sa bulig sang mga pribado nga sektor kag Local Government Units.

Si Robredo ang nangin dinapit nga bisita sang amo nga congress, kadungan man sa ika-duha ka tuig nga anibersaryo sang Angat Buhay Program subong nga Oktobre 10.

Dugang pa sang bise presidente, may 155,000 na ka mga pamilya sa 170 ka mga munisipalidad sa pungsod ang ila nabuligan, umpisa sang ginlunsar ang programa sadtong tuig 2016.

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.