VOTER REGISTRATION SA COMELEC BACOLOD MAGABALIK SA ABRIL 13

Share on facebook
Share on google
Share on pinterest
Share on twitter
Share on print

Maga balik ang voter registration sa Comelec Bacolod sa maabot nga Abril 13.

Una nga gin suspend ang kag gin sirado ang talatapan sang Comelec matapos ang pagpositibo sa Covid-19 sang pito ka mga empleyado.

Sa pito, isa ang nagapabilin sa hospital pero naga improve na ang kondisyon samtang ang anum ang yara sa quarantine facility lakip na dire ang tatlo ka asymptomatic.

Suno kay  Elections Officer Kathrina Trinio Caña, may siyam ka mga empleyado ang Comelec nga may negatibo na nga RT-PCR Test result pero ila patapuson ang 14 dias nga quarantine period matapos nga may exposure sila sa mga nag positibo.

Dugang pa ni Caña,  pila na ka beses nga gin paidalum sa disinfection ang ila nga talatapan. Sa karon, apiesar nga sirado ang Comelec, padayon ang pag work from home sang mga empleyado samtang ginapatapos ang quarantine period.

Nagapangayo sang paghangop si Caña, sa publiko bangud sa pagbalik sang voter registration ila pagalimitahan ang ma akomodar nga mga registrant bangud ipatuman man nila ang 30% nga operating capacity ukon skeletal workforce. | Aksyon Dale Salazar

PRIMARY SUSPECT SA MASSACRE GIN-AKO ANG KRIMEN

Gin-ako sang primary suspect nga si Christian Tulot nga siya ang nagpatay sa apat ka miembro sang pamilya sa Gardenville Subdivision, syudad sang Bacolod nagligad nga Abril 4.

Si Tulot ang naghimo sang extra judicial confession kag iya ini ginpalayag sa atubangan sang iya abogado, kapulisan kag katapo sang media subong nga hapon, Abril 10.

Suno kay Tulot, ang konsensya amo ang nagduso sa iya para akuon ang krimen.

Ginpakita sang kapulisan ang martilyo kag espading nga gin usar sa krimen kag ini ang gin ako sang suspek.

Gin ako man sang suspek nga iya man gindala sa iya gintiniran sa Barangay Bunga, Don Salvador Benedicto ang mga cellphone, kag iban nga gamit nga iya ginkuha.

Abril 4 sang natabo ang krimen pero Abril 7 sang natukiban sang kapulisan.

Ginkilala ang mga biktima amo sanday John Michael Espinosa, Jocelyn Nombre Espinosa, , Gemma Espinosa kag ng anum ka tuig nga si Precious Espinosa.

Nagpangayo sang pasensya si Tulot sa pamilya sang mga biktima kag sa Ginoo bangud sa krimen nga iya ginhimo.

Nagpangayo man sang pasaylo si Tulot sa kapulisan, sa publiko kag sa media bangud sa iya pagbinutig.

Ginalantaw sang kapulisan nga ang paghatag sang extra judicial confession ni Tulot ang bangud nga nagtahaw na ang epekto sang iligal nga droga.

Ginpahayag ni Police Major Joery Puerto, hepe sang Police Station 8, nga sa Lunes nga adlaw ila ipasaka ang kaso nga multiple murder with robbery batuk kay Tulot.

Para kay Puerto, napukaw ang suspek sa iya nga konsensya kag naserbe na ang hustisya.

Kaina sang hapon, sang gin lubong na ang mga biktima sa Bacolod Memorial Park.

17K NGA BALOR SANG SUSPECTED SHABU NAKUMPISKAR; SUBJECT SA BUY-BUST OPERATION, NAKAPALAGYO

Nakapalagyo ang subject sa buy-bust operation nga si Ronel Balaquet sa 1st Road Puentebella, Barangay Taculing syudad sang Bacolod, kaina sang hapon, Sabado.

Ang nakapalagyo ang nalakip sa drug watchlist sang Police Station 6 kag ginakabig street level individual.

Suno kay Police Major Leo Estopa, hepe sang Police Station 6, pila na ka reklamo ang ginpadangat batuk sa iligal nga aktibidad ni Balaquet.

Dugang pa ni Estopa, namutikan ni Balaquet nga pulis ang iya ka transaksyon kag nakapalagyo kasunod nga madamo sang exit ang ila compound.

Nabilin ni Balaquet ang isa ka pouch nga naga unod sang 10 ka sachet sang suspected shabu.

Kapin 17 mil ang balor sang ginapatihan shabu ang narekober sang Police Station 6.

MORE STORIES:

LIKE US ON FB

error: Ooops... You are not authorized to copy this content.