VOLUNTEER DOCTORS SA BRO CENTER TUBTOB NA LAMANG MAYO 29

Share on facebook
Share on google
Share on pinterest
Share on twitter
Share on print
(Dr. Edwin Miraflor, BRO Administrator)

Tubtob na lamang sa Mayo 29 ang pag pangalagad sang mga volunteer doctors sa Bacolod Respiratory Outpatient ukon BRO Center sa BAYS Center.

Suno kay Dr. Edwin Miraflor, administrator sang BRO Center, nag pangabay na sila sa alkalde nga kon mahimo maka kuha sang duha ka casual nga doktor nga padayun nga maga serbisyo sa BRO Center.

Dugang pa ni Miraflor, ila man gina duso nga mangin permanente ang operasyon sang pasilidad para ma decongest ang mga naga pa check-up sa Bacolod City Health Office kag indi didto ma impon ang mga naka pakonsulta nga may respiratory symptoms.

Sunokay Miraflor, ang BRO Center ang may duha lamang ka doktor sa adlaw sang Lunes kag Myerkules kasunod nga ang iban sa mga volunteer ang naga duty na sa ila nga clinic.

Umpisa nga nag sugod ang operasyon sang BRO Center, 407 na ka mga pasyente ang na akomodar ukon 17 ka ma pasyente sa kada adlaw umpisa las 9 sang aga tubtob las 12 sang udto. | Aksyon Dale Salazar

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.