Gina tugutan ang pag patigayon sang ehersisyo kag zumba activities sa syudad sang Bacolod pero dapat matuman ang minimum health standard.
Ini suno kay Vice Mayor El Cid Familiaran, chair sang Bacolod IATF, kasunod sang mga litrato nga na post sa social media sa pagdamo sang mga tawo nga naga ehersisyo sa runway sang Old Airport sa area sang Brgy. Tangub kag Brgy. Singcang-Airport.
Suno kay Familiaran, iya na gin palambot sang duha ka beses ang ini nga concern sa BCPO kag makabig lamang nga bayolasyon ang naga ehersisyo kon wala naga suksok sang facemask kag wala naga tuman sang social distancing.
Dugang pa ni Familiaran, may mga litrato kag video man ini nga nabaton nga sa una nga mga inadlaw sang Modified GCQ may mga naga ehersisyo nga nag bayolar sang mga gina patuman nga health protocol sa syudad.
Suno sa Bise-Alkalde, dapat mapasiguro sang kapulisan nga matuman ang ordinansa sang syudad angut sa pagtuman sang minimum health standard kag nag suhestyon nga imonitor ang amo nga lugar. | Aksyon Dale Salazar
