VM FAMILIARAN SA MGA VIOLATOR: PASENSYA SA MADAKPAN

Share on facebook
Share on google
Share on pinterest
Share on twitter
Share on print
(VM Familiaran FB Photo)

‘Pasensya sa madakpan’.

Ini ang gin pahayag ni Vice Mayor El Cid Familiaran pila ka adlaw antes mag sugod ang otoridad sa pagpanakop sa mga persona nga wala naga sunod sa minimum health standard.

Suno kay Familiaran, chair sang Task Force Disiplina, preparado na ang task force kag na imprenta na ang citation ticket nga iga isyu sa Agusto 1 para sa mga persona nga wala naga suksok sang face mask kag wala naga tuman sang social distancing.

Dugang pa ni Familiaran, kapin 30 ka mga apprehending officers kag anum ka pulis ang inisyal nga iga deploy samtang plano man nga i-deputize ang mga traffic enforcers.

Sa idalum sang ordinansa nga gin author ni Councilor Archie Baribar, ang Bacolodnon nga mag bayolar sang polisa ang papanaugan sang 200 pesos nga penalidad samtang 300 pesos para sa mga taga indi taga Bacolod, ukon may opsyon ang violator nga mag community service sang walo ka oras.

Nag paandam ang Bise-Alkalde sa mga maga resist ukon mag bato nga pwede sila pasakaan sang kaso sang City Legal Office.

Suno kay Familiaran, iya tinguhaan nga paagi sini, ma disiplina ang mga pumuluyo sang Bacolod. | Aksyon Dale Salazar

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.