VM FAMILIARAN NAGASALIG NGA MADEPENSAHAN NI COUNCILOR TAN, LIMA KA MGA PULIS SA BACOLOD ANG AKUSASYON NI PRESIDENTE DUTERTE

Share on facebook
Share on google
Share on pinterest
Share on twitter
Share on print

Nagasalig si Bacolod Vice Mayor El Cid Familiaran nga madepensahan ni Bacolod City Councilor Ricardo Tan kag lima ka iban pa nga mga pulis ang akusasyon ni Presidente Rodrigo Duterte nga konektado ang mga ini sa iligal nga droga.

Ginkakibot man ni Familiaran ang rebelasyon kag palayag sang Presidente sa kaadlawan ni Leo Rey Yanson, chief executive officer sang Vallacar Transit, sadtong Sabado sang gab-i (Enero 12).

Gintugyan ni Familiaran sa mga law enforcement agencies ang mga palayag sang Presidente kag nagalaum nga madepensahan sang mga natungdan ang ila kaugalingon.

Suno sa Bise-Alkalde, indi lahug-lahug ang mga akusasyon nga ginahaboy batuk sa ila ilabi na nga naghalin ini mismo kay Duterte.

Suno kay Familiaran, kada adlaw may nagakabatunan siya nga report gikan sa kapulisan nga may nga may ara sang drug buy bust operation sa Bacolod kag indi magnubo sa 50 mil nga balor sang suspected shabu ang marekober sang otoridad. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.