VM FAMILIARAN NAGA PANGABAY SA MGA NEGOSYANTE SANG KOOPERASYON

Share on facebook
Share on google
Share on pinterest
Share on twitter
Share on print

Nagapangabay si Vice Mayor El Cid Familiaran sa mga negosyante sang ila kooperasyon angut sa proposal ni Mayor Bing Leonardia nga mag umpisa ang curfew sa syudad las 8 sang gab-i tubtob las 4 sang kaagahon.

Sa interview sang Aksyon Radyo, gin pahayag ni Familiaran, nga kon indi mag kooperar ang mga negosyante, posible mabalik ang syudad sang Enhanced Community Quarantine ukon ECQ kag ma untat ang tanan nga negosyo.

Suno kay Familiaran, indi niya luyag pangunahan ang tikang sang bug-os nga Konseho angut sa proposal ni Leonardia pero para sa iya dapat ma balanse ang tanan.

Indi man luyag sang bise-alkalde nga ma kompromiso ang safety sang publiko kag gin paathag nga ang syudad ang gin paidalum sa Modified GCQ apang may istrikto nga measures para malikawan ang paglapta sang virus.

Gina kwestyon ni Familiaran kon ano ang rason sa pag tinir sagwa kon wala man lang naga inom.

Suno sa Bise-Alkalde, para sa iya ang panyapon ang dapat yara sa las 6 tubtob las 6:30 sang gab-i kag indi las 9 sang gab-i. Ginklaro ni Familiaran nga ang mga negosyante mismo ang nag pangabay sa syudad sang liquor ban.

Una nga nag padala sang sulat ang lima ka business groups sa probinsya nga naga pangabay sa gobyerno sang Bacolod nga ipabilin ang curfew sa las 10 sa gab-i tubtob las 4 sang kaagahon. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.