VM FAMILIARAN NAG SUHESTYON NGA I-EXTEND ANG DEADLINE SA BAC-TRAC REGISTRATION

Share on facebook
Share on google
Share on pinterest
Share on twitter
Share on print

Nag suhestyon si Bacolod Vice Mayor El Cid Familiaran nga kon mahimo palawigon ang deadline sa pag register sa Bacolod Contact Tracing System sa mga establisamento komersyal.

Ini kasunod sang reklamo sa social media nga may kabudlayan ang mga netizens sa pag register online sa BacTrac System bangud naga bug down ang system.

Sa press release sang Bacolod PIO, Oktubre 11 ang deadline sang mga establisamento kag talatapan sang gobyerno nga mag register sa Bac-Trac system.

Suno kay Familiaran, ini ang iya gina suhestyon sa author sang City Ordinance 941 nga si Councilor Lady Gles Gonzales.

Para kay Familiaran, dapat hatagan sang tion ang publiko nga mag rehistro ilabi na ang mga negosyo tubtob Nobiembre 2020.

“Tungod sa madamo naga pa register. Ang signal indi maayo. Ang system naga bug down. Indi ka comply ang aton business establishment,” suno kay Familiaran.

Sa idalum sang ordinansa, ang mga negosyo ang required nga mag pa register kag mag download sang CCTS Logger nga app para ma scan ang QR code sang mga tawo nga naga sulod sa ila nga establisamento.

Samtang, gin pahayag ni Familiaran nga voluntary lamang ang pag parehistro sang tawo sa BacTrac System kag pwede sila ka log in usar ang ballpen kag papel pero may pila na ka mga negosyo sa syudad ang ang pagwa sang polisa nga No QR Code, No Entry.

Sa nahibaluan, tuyo sini ang madasig nga contact tracing kag mas safe ang impormasyon sang sa mag usar sang ballpen kag papel sa pag log-in.

MORE STORIES:

LIKE US ON FB

error: Ooops... You are not authorized to copy this content.