VM FAMILIARAN NAG KLARO NGA WALA PA SANG DESISYON ANG NATIONAL IATF NGA IPAIDALUM ANG BACOLOD SA ECQ

Share on facebook
Share on google
Share on pinterest
Share on twitter
Share on print

Gin pahayag ni Vice Mayor El Cid Familiaran nga wala pa sang desisyon ang gobyerno nasyunal nga ipaidalum ang syudad sa Enhanced Community Quarantine ukon ECQ.

Suno kay Familiaran, chair sang Bacolod IATF, iya gina kabig nga fake news ang mga naga lapta nga impormasyon ilabi na sa social media nga ma ECQ sa syudad umpisa sa Agusto 1.

Dugang pa ni Familiaran, sa kada 15th ukon kada katapusan nga adlaw sang bulan naga palayag ang Malacañang angut sa ipatuman nga quarantine mode sa kada lugar sa pungsod.

Suno pa sa bise-alkalde, bisan sila nga mga opisyal ang wala nakahibalo kon anu ang mangin estado sang syudad sa Agusto 1.

Para kay Familiaran, understandable nga proteksyunan sang LGU ang ila mga pumuluyo kasunod sang mando ni Iloilo City Mayor Jerry Treñas nga pag pasira sang borders matapos ang sulat sang grupo sang mga doktor kay Presidente Rodrigo Duterte nga naga apilar sang duha ka semana nga ECQ sa syudad.

Pero suno kay Familiaran may yara man sang kapin apat ka mga tawo nga taga isla sang Panay nga naga kadto sa probinsya nga naga positibo man sa virus.

Para kay Familiaran ang mga Authorized Persons Outside Residence nga may ‘freedom’ sa ila nga hulag amo ang culprit sa pagdamo sang Covid-19 cases sa Bacolod, kag indi ang OFW kag indi man LSI.

Liwat nga maga sapol ang mga opisyal sa mga medical doctors nga nag padala sang sulat kay Duterte subong nga adlaw, Lunes.

As of July 27 ang Bacolod ang may 149 Covid-19 cases, 52 dire ang recovered cases, 88 ang active cases kag 4 ang napatay. | Aksyon Dale Salazar

MORE STORIES:

ANU ANG IMO MA KOMENTO?