VM FAMILIARAN MAY PAGKLARO SA PAG USAR SANG HOME QUARANTINE PASS

Share on facebook
Share on google
Share on pinterest
Share on twitter
Share on print
(Liga ng mga Barangay President Lady Gles Gonzales)

Gin klaro ni Bacolod Vice Mayor El Cid Familiaran nga ang liwat nga pag usar sang Home Quarantine Pass (HQP) ang wala naga buot silingon nga mabalik ang syudad sa Enhanced Community Quarantine.

Sa interview sang Aksyon Radyo Bacolod, gin pahayag ni Familiaran, chairman sang Bacolod IATF, ang HQP system ang para sa mga persona nga wala naga trabaho kag para sa mga tawo nga luyag mag bakal sang essential needs.

Suno kay Familiaran, ang mga persona nga naga trabaho ang kinahanglan lamang nga mag presentar sang Company ID, kag ang mga magagmay nga kompaniya nga wala naga isyu sang ID ang dapat naman nga mag dala sang photo copy sang business permit sang negosyo nga ila gina trabahuan.

Suno sa Bise-Alkalde, ang mga naga duty naman sa gab-i ukon nightshift ang kinahanglan nga may ID kag certification of work schedule.

Una nga gin pahayag ni Leonardia nga liwat nga ipatuman ang HQP umpisa Setyembre 3 tubtob 15 bilang isa sa mga measures para mahagan-hagan ang Covid-19 infections, kasunod man sang pangabay sang pila ka doktor nga kon mahimo ma limit ang hulag sang tawo.

Gina paabot nga maka pagwa si Leonardia sang pormal nga Executive Order antes ang Setyembre 3. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.