VISAYAS CHIEF IMPLEMENTER FELICIANO MAGA PABILIN SA BACOLOD TUBTOB NGA MAG STABILIZE ANG SITWASYON

Share on facebook
Share on pinterest
Share on twitter
Share on print
(Launching sang One Hospital Command Center kag BacTrac System sa Bacolod Government Center kaina sang hapon, Septembre 29, 2020 | Bacolod PIO Photo)

Maga pabilin sa Bacolod si IATF Visayas Chief Implementer Retired General Mel Feliciano tubtob nga mangin stable ang sitwasyon sang Covid-19 sa syudad.

Suno kay Feliciano, indi nila pag bayaan ang Bacolod tubtob nga mangin stable ang sitwasyon kaangay sa ila gin himo sa Cebu City  nga nag halin lamang sila matapos nga na set-up ang Emergency Operations Center (EOC), kag in-place ang mga systems kag protocol.

“Hindi namin iiwan ang Bacolod hanggang hindi stable just like what we did in Cebu naka set-up ang EOC, in place ang mga systems and protocols,” suno kay Feliciano.

Dugang pa ni Feliciano, iya gina lantaw nga may diotay pa nga coordination kag pagligwat sa aktibidad sang mga nagkalain-lain nga cluster para ma harmonize ang EOC sang syudad.

Si Feliciano ang nag tinir sa Cebu City sang kapin duha ka bulan samtang kapin isa na ka bulan ang iya karon pag tinir sa Bacolod.

Positibo si Feliciano nga mapanubo ang mga Covid-19 cases sa syudad sa masunod nga mga inadlaw kag posible mag stabilize ang sitwasyon sa masunod nga isa ka semana.

Samtang, gin pahayag ni Feleciano, nga sa idalum sang GCQ mangin proactive pa kag agresibo ang contact tracing kag operasyon sang EOC. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

GOV. LACSON SA LGUs: ISTRIKTO NGA IPATUMAN ANG ENVIRONMENTAL LAWS

Ginpanawagan ni Governor Bong Lacson sa mga local government units (LGUs) nga istriktuhon ang pagpatuman sang environmental laws, labi na sa mga protected areas sa Negros Occidental.

Ini matapos matukiban ang ginpatukod kag operasyon sang resort sa Chocolate Hills Bohol nga isa ka protected area sa idalom sang Proclamation No. 1037 kag National Integrated Protected Areas System (NIPAS) Act of 1992.

Suno kay Lacson , ang mga estraktura ukon negosyo nga ginpatukod sa Don Salvador Benedicto nga sakop sang Northern Negros Natural Park kag ginproklamar nga Protected Area, ang kabahin lamang sa development sang banwa.

Nagapati ang gobernador, nga wala ginatugutan sang banwa ang mga illegal structures kag negosyo nga wala sang nagakaigo nga business permit.

Nagligad nga semana, nagtukod sang special investigation team ang Department of Interior and Local Government (DILG) agud imbestigahan kun may salabton ang mga lokal nga opisyal sa isyu nga pagtukod sang resort sa Chocolate Hills.

What’s your Reaction?
+1
0
+1
0
+1
0
+1
0
+1
0
+1
0
+1
0

PRINCIPAL GINHATAGAN PUDER NGA MAG SUSPEND SANG F2F CLASSES SA TION NGA MATAAS ANG HEAT INDEX

May yara na sang otoridad ang mga school head ukon principal sa pag suspend sang face-to-face classes sa tion sang 33 degrees Celsius nga heat index.

Ginpahayag ni Lila Vaflor Arro, spokesperson sang Division of Bacolod City, may na isyu na nga memorandum ang division para sa localized suspension sang face-to-face classes sa tion sang mainit nga panahon.

Suno kay Arro, sa tion nga ma suspend ang face-to-face classes, pwede makapatuman ang buluthuan sang online class, modular instruction ukon kombinasyon sang duha.

Dugang pa ni Arro, may mga buluthuan nga naga klase sa aga pero modular na pagkahapon bangud sa tuman ka init nga panahon.

Ginpahayag ni Arro, gin limitahan man karon ang outdoor activities sa mga buluthuan magluwas kon aga ini nga ginapatigayon ukon indi pa tuman ka init ang panahon.

May na record ang Division of Bacolod City sang isa ka kaso sang estudyante nga na sunggo sa Bata Elementary School.

What’s your Reaction?
+1
2
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.