VILLAR GINA TUN-AN ANG PAGKAKAS SANG RESPONSIBILIDAD SANG SRA SA PAGPATUMAN SANG SIDA

Share on facebook
Share on google
Share on pinterest
Share on twitter
Share on print

Ginatun-an ni Senate Committee on Agriculture and Food Chairperson Cynthia Villar ang plano nga pagkakas sang responsibilidad sang Sugar Regulatory Administration ukon (SRA), sa implementasyon sang Sugar Industry Development Act ukon (SIDA).

Sa pagbisita ni Villar sa Associacion de Agricultores de La Carlota Y Pontevedra Inc. sa syudad sang La Carlota Negros Occidental subong nga adlaw, iya ginsiling nga luyag niya amendahan ang SIDA law kag magtukod sang National Sugar Program sa idalom sang Department of Agriculture nga amo ang magaimplementar sang SIDA.

Si Villar amo ang nagpamuno sa ginpatigayon nga hearing sang senado may kaangtanan sa kapaslawan sang SRA nga maimplementar ang SIDA.

Ini ang rason kun ngaa ginbuhinan sang Department of Budget and Management ang ginpain nga P2 bilyones pesos nga pondo, kag ginhimo na lamang nga P500 milyones pesos.

Samtang. nakigsapol si Villar sa mga sugar farmers sa syudad sang La Carlota Negros Occidental , may kaangtanan sa sitwasyon sang industriya sang kalamay.

Pila sa mga gintalakay sang senador, amo ang reklamo sang mga food processor angot sa mahal nga presyo sang kalamay ukon corn syrup.

Ang resulta sang dayalogo ni Villar ang kalakip sa pagatalakayon sa congressional hearing sa Enero 21 angot sa sugar industry.

Nagbisita man sa La Carlota si Department of Finance Assistant Secretary Antonio Joselito Lambino II. | Aksyon Marlon Genovea

MAYOR BING GINALANTAW NGA MAPABILIN SA MGCQ ANG BACOLOD SA PEBRERO

Ginalantaw ni Bacolod Mayor Evelio Leonardia nga magapabilin sa Modified General Community Quarantine ang syudad sang Bacolod sa bulan sang Pebrero.

Suno kay Leonardia, sa karon manubo ang kaso sang Covid-19 sa syudad. Dugang pa ni Leonardia, natapos na ang Christmas season nagligad nga Disyembre kag nagalaum nga wala sang pagsaka sang Covid-19 cases pero nagpaandam si Leonardia sa publiko angut sa UK variant nga ginakabig nga mas makalalaton kag dapat magsunod sa gihapon sa health protocol kag indi magkumpyansa.

Suno sa Alkalde, wala pa sang UK variant case sa syudad kag indi dapat pagtugutan nga makasulod ini sa Bacolod.

Samtang, gin pahayag ni Cabinet Secretary Carlo Nograles, Co-Chair sang National IATF, nga may duha ka meeting ang IATF subong nga semana para talakayon ang rekomendasyon sang quarantine status sa nagkalain-lain nga lugar sa pungsod.

Suno kay Nograles, ang ila rekomendasyon itugyan sa mga LGUs para mahatagan sang tion nga mag apilar sa sulod sang 24 oras kag ginklaro nga yara sa kay Presidente Rodrigo Duterte ang pinal nga desisyon. | Aksyon Dale Salazar

DUHA PILASON SA PAGBUNGGUANAY SANG DUHA KA MOTORSIKLO

Kapilasan ang naangkon sang duha ka driver sang ini maaksisente nga mabungoan sang isa motorsiklo ang isa pa ka motorsiklo sa Sitio Mabuni, Barangay Guadalupe, Syudad sang San Carlos.

Ang mga pilason ginkilala kay Romulo Dacillo, legal ang edad kag nagapuyo sa Barangay Gabiga, Banwa sang Lalibertad, Negros Oriental, samtang ang isa naman ginkilala kay Edmar Barbecho, legal ang edad kag nagapuyo naman sa Phase 2, Urban, Barangay Rizal Syudad sang San Carlos.

Suno kay PLt Roby Aurita, Deputy of Police sang San Carlos PNP, nag-uturn si Barbecho tabok sa pihak nga dalan sang bungoan ni Dacillo nga nagpadulong.

Dugang ni Aurita, sila nga duha pareho nga wala nakatalupangod, rasun nga naglutad ang aksidente.

Ginakabig sang otoridad nga malubha ang kapilasan ni Dacillo rasun nga gin-refer ini sa Bacolod nga Hospital, apang ginhangyo sang pamilya nga sa Dumaguete nalang para malapit para sa ila. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.