VICTORIAS CITY: LALAKI, NATIRUHAN

Share on facebook
Share on google
Share on pinterest
Share on twitter
Share on print

Lalaki natiruhan sang wala makilal-an nga persona sang Sabado, Setymbre 15, alas 3:30 sang kaagahon sa Toreno Fishpond, Brgy.13 siudad sang Victorias. Ginkilala ang biktima kay Rodmel Tanelon, 24 anyos kag residente sang Brgy. Pasil banwa sng EB Magalona.

Base sa imbestigasyon sang mga kapulisan, ila nahibaluan nga nakabati sang lupok sanday Ernesto Casis kag Alberto Mendoza samtang nagapahuway sa guardhouse. Sang ila ginpalapitan ang lugar kon diin naghalin ang paglupok, didto kag nakumpirmar nga ang isa sa ila upod ang ginluthang kag may igo sa likod nga bahin sang iya lawas.

Na rekober sa lugar sang insidente ang isa ka fish net. Sa karon padayon pa ang imbestigasyon sa kaso sang mga kapulisan.

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

MANGUNGUMA PATAY MATAPOS GINTIRO SANG GWARDYA

Patay sang gindangat sa Hinigaran Emergency Clinic ang isa ka mangunguma sang luthangon sa Hacienda Bail, Barangay Tuguis, Banwa sang Hinigaran kahapon, Myerkules sang aga.

Ang biktima ginkilala nga si Julius Denagiba, 35 anyos, pamilyado kag nagapuyo sa amo man nga lugar, samtang ang suspetsado nga gwardiya ginkilala kay Rogel Belonio, 55 anyos, pamilyado kag nagapuyo sa Barangay Singcang Airport, syudad sang Bacolod.

Suno kay PMaj Jake Barila, hepe sang Hinigaran PNP, nagpaharab sang karbaw ang anak kag hinablos ni Denagiba malapit sa duta nga ginabantayan ni Belonio.

Pila ka minutos nag-abot ang biktima sa lugar kag nagbaisay sila sang suspetsado tubtob nga ginluthang ini gamit ang 12 gauge shotgun.

Naka-angkon sang malubha nga pilas si Denagiba nga gindeklarar nga patay sa clinic sa Hinigaran.

Padayon pa ginapangita si Belonio kag isa pa ka gwardiya nga upod sini nga si Eric Soriano sang San Isidro, Banwa sang Pontevedra tanan sa idalum sang RHN Security Agency.

Ang biktima isa lang sa madamo nga benepisyaryo sa amo nga duta nga ginapanag-iyahan sang pamilya Magallanes, apang wala pa sang CLOA. 

Dugang ni Barila, bangud nga benepisyaryo ini may daan na nga indi pag-intindihanay ang nga blue guards kag ang mga bepisyaryo sang duta nga ila ginabantayan.

MORE STORIES:

LIKE US ON FB

error: Ooops... You are not authorized to copy this content.