VICTORIAS CITY HALL NAGSIRA SANG APAT KA ADLAW

Share on facebook
Share on google
Share on pinterest
Share on twitter
Share on print

Umpisa subong nga adlaw Mayo 4 tubtub 7, 2021, temporaryo  nga ginpasira ang city hall sang syudad sang Victorias Negros Occidental,  kalakip  ang annexed buildings  kag offices para sa disinfection, isolation kag contact tracing .

Sa Executive Order No. 13 series of 2021  nga ginpirmahan ni Mayor Francis  Frederick P. Palanca, iya  ginpahayag  nga  sang Mayo 3 nakarekord sang  37  ka bag-o  nga kaso sang Covid-19 ang syudad.

Suno sa alkalde isa ka persona nga nagatrabaho sa tailoring shop sa likod sang Victorias Cultural Center kag malapit sa Hall of Justice  ang nagpositibo sa Covid-19 pati na ang  iya kaupod.

Dugang pa ni Palanca, madamo sang mga empleyado sang syudad nga  masami  naga break time sa kalan-an sa tupad sang tailoring shop  ang nagpositibo  man sa virus.

Ginmando sang alkalde sa  mga opisyal kag empleyado sag syudad  nga magtener anay sa puluy-an  kag iadopt ang work-from-home arrangement.Sa karon ang Victorias ang may 85 ka mga Covid-19 active cases. | Aksyon Marlon Genovea

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.