VICE MAYOR SANG MOISES PADILLA, NAG-FILE NA SANG COC

Share on facebook
Share on google
Share on pinterest
Share on twitter
Share on print

Nag-file na sang iya kandidatora bilang alkalde sa banwa sang Moises Padilla, ang bise alkalde nga si Ella Garcia-Yulo, nga subong ginakustodiya sang mga kapulisan bangud sa kaso nga possession of explosive and firearms.

Photo CTTO

Siya ang gin-updan sang kandidato sa pagka-bise alkalde nga si Adrian Ian Villaflor kag pito ka mga kandidato sa pagka-kunsehal.

Personal nga nagpadulong si Garcia sa talatapan sang Commission on Elections agud mag-file sa presensiya ni Local Election Officer III Jesus Mundito Gaston.

Si Garcia ang gin-updan sang madamo nga mga security bangud sa ginapangatubang nga kaso.

Siya ang gin-arestar sa checkpoint sang mga kapulisan sang Moises Padilla sadtong Deciembre tuig 2017 upod ang iya bana nga si Felix Mathias Yulo III.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.