Bacolod City- Gin hingadlan na sang opposition nga Asenso para sa Bwas Damlag sang Bacolodnon-Mag binuligay kita sa Kauswagan ukon ABB-MKK ang ila mga kandidato para sa 2019 midterm elections sa syudad sang Bacolod.
Si anay Bacolod Mayor Monico Puentevella ang maga papili bilang kongresista sang syudad, si anay konsehal Jocelle Batapa-Sigue ang maga papili sa pagka Alkalde, kag anay Bacolod Vice Mayor Sayson sa pagka bise-Alkalde.
Ang mga kandidato sang oposisyon sa pagka konsehal ang gina bug-usan sang nag kalain-lain nga sektor lakip na sanday anay City Councilor Homer Bais, Edwin Balajadia, Butch Ebreo, incumbent Councilor Wilson Gamboa Jr., Mediaman Rommel Jamero, incumbent Councilor Claudio Jesus Puentevella, Bernabe Sibug, Kapitan Elmer Villanueva sang Barangay 40, SK Chairman Jason Isidro Villarosa sang Barangay Sum-ag, Rico Villafuerte kag Bobby Montelibano.
Gin paathag ni Gamboa nga bukas pa ang ila partido sa mga independent candidate sa pagka konsehal kasunod nga kulang pa sila sang isa ka kandidato.
Ang mga kandidato sang ABB-MKK ang nag tambong sa isa ka misa sa San Sebastian Cathedral antes nag patigayon sang press conference sa Negros Press Club kag nag file sang ila Certificate of Candidacy.
Suksok sang mga kandidato sang oposisyon ang duag puti nga bayo nga suno kay Puentevella para sa transparency.
Suno kay Puentevella, maga sadya ang eleksyon sa Bacolod bangud may yara sang kontra kag ila pagahatagan sang ‘Best Choice’ ang Bacolod.
