VG LACSON GINPRESENTAR NA SA PALARO BOARD ANG PAG-BID SANG PROBINSYA SA 2021 PALARONG PAMBANSA

Share on facebook
Share on google
Share on pinterest
Share on twitter
Share on print

Ginpresentar na ni Negros Occidental Governor Eugenio Jose Lacson sa Palaro Board ang ‘bid’ sang probinsiya para sa paghost sang 2021 Palarong Pambansa.

Ini ang ginpatigayon sa presensiya ni Department of Education ukon DepEd Secretary Leonor Briones, sa SEAMEO INNOTECH syudad sang Quezon Metro Manila.

Iga anunsiyo ang magadaug sa bidding sa bulan sang Oktobre tuig 2020.

Sa record sang DepEd, ang Negros Occidental amo ang may pinakadamo nga ‘hosting’ sa palaro kag kun magdaug sa bidding, ini na ang ika anom nga paghost sang Negros Occidental.

Ang Palarong Pambansa subong nga tuig 2019, ang patigayunon sa siyudad sang Davao.

Ini ang tuigan nga ginapatigayon kag ginapartisipahan sang mga atleta nga estudyante, halin sa pampubliko kag pribado nga buluthuan sa elementarya kag high school. | Aksyon Marlon Genovea

Photo: CTTO

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.