Ginpangabay ni Negros Occidental Vice Governor Jeffrey Ferrer ang mga pareho niya nga opisyal sang gobyerno, kag empleyado sa gobyerno probinsiyal, nga ipaiway ang personal kag political differences kag magkooperar sa kaayohan sang probinsiya.
Sa Annual Legislative Report ni Ferrer sa Social Hall sang kapitolyo probinsiya iya ginpahayag nga sa karon, importante ang pagbinuligay sang tagsa tagsa agud malampuwasan ang mga ginapangatubang nga pagpanghangkat kun paano matapna ang pandemya sang Covid-19.
Ginpasalamatan man sang bise gobernador si Governor Bong Lacson sa padayon nga suporta sa Sanguniang Panlalawigan (SP).
Dugang pa ni Ferrer , mangin partners sa gihapon sang gobernador ang SP sa pagpasanyog sang Abanse Negrense Development Agenda. | Aksyon Marlon Genovea
