VG FERRER NAG PASIGURO NGA MAGA PADAYUN ANG SERBISYO SANG SP BISAN NGA MAY NAG POSITIBO SA COVID-19 NGA MYEMBRO

Share on facebook
Share on google
Share on pinterest
Share on twitter
Share on print

Ginpasiguro ni Negros Occidental Vice Governor Jeffrey Ferrer nga magapadayon sa gihapon ang serbisyo sang Sanguniang Panlalawigan, bisan pa nga nagpositibo sa Covid-19 ang pila ka mga myembro sini.

Ini ang ginpahayag ni Ferrer sa interview sang Aksyon Radyo, angot sa pagpositibo ni Third District Board Member Andrew Montelibano sa Covid-19.

Suno kay Ferrer, kapin na sa duha ka semana nga wala naga kit-anay ukon face-to-face ang mga Provincial Board Members, bangud nagapatigayon lamang sila sang online regular session.

Dugang pa sang bise gobernador, indi malikawan nga mabutang man sa risgo sa Covid-19 ang ikaayong lawas sang mga pareho niya nga opisyal sang gobyerno.

Si Montelibano amo na ang ikaapat nga opisyal sang gobyerno sa Negros Occidental nga nagpositibo sa Covid-19.

Una amo si EB Magalona Mayor Marvin Malacon kag Second District Board Member Samson Mirhan nga lunsay na nakarekober.

Nagligad nga Huwebes, nagpositibo man si Pontevedra Mayor Jose Maria Alonso. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.