VG FERRER MAGA PUNGKO BILANG UNEGA CHAIRMAN

Share on facebook
Share on google
Share on pinterest
Share on twitter
Share on print

Nagbulos bilang Chairman sang United Negros Alliance ukon Unega, si Negros Occidental Vice Governor Jeffrey Ferrer. Ini matapos magtaliwan si anay Governor Alfredo G. Marañon Jr.

Suno kay Unega Secretary General Cadiz City Mayor Salvador Escalante Jr., nagbulos si Ferrer paagi sa ginatawag nga rule of succession.

Dugang pa ni Escalante, nagligad nga Marso magasapol kuntani ang Unega agud desisyonan ang pagpili sang magabulos nga Chairman, bangud indi na elected official si Marañon.

Apang ini ang wala madayon bangud sa Covid-19 pandemic.

Suno sa alkalde, nagsugilanon na sila ni Sagay City Mayor Alfredo Marañon III agud hambalan ang plano nga pagsinapol sang mga alkalde nga myembro sang Unega.

1998 sang gintukod ang Unega bilang isa ka provincial political party. | Aksyon Marlon Genovea

NUMBER 1 MOST WANTED SANG HPG REGION 6, NADAKPAN

Priso sa Police Station 4 si Carlo Claro, 37 anyos, residente sang Brgy. 20, syudad sang Bacolod matapos gin-aresto sang otoridad sa kaso nga carnapping.

Suno kay Negros Occidental Highway Patrol Group head Police Major Robelito Mariano, si Claro ang ginakabig nga number 1 Regional 6 HPG most wanted person kag responsable sa pagpangawat sang mga motorsiklo sa syudad sang Bacolod kag probinsya.

Dugang pa ni Mariano, nadakpan si Claro paagi sa warrant of arrest nga gin issue sang korte kag may piyansa nga 300,000 pesos. | Aksyon Alvin Grava

MAYOR BING NAGKLARO NGA ANG 650K DOSES SANG BAKUNA ANG INDI BALOR 300M

Ginklaro ni Bacolod Mayor Evelio Leonardia nga indi 300 million pesos ang balor sang 650,000 doses sang bakuna nga ginbakal sa AstraZeneca.

Suno kay Leonardia, ang ini nga isyu ang ginausar sang iya kontra sa pulitika para mapatalang ang tawo.

Dugang pa ni Leonardia, ang 650,000 doses ang first order pa lamang.

Ginpaathag ni Leonardia nga indi niya pag mapalayag ang presyo sang bakuna bangud may yara sang confidentiality agreement.

“There are people using that to mislead, ang mga kontra ko sa politika bala.  They are trying to make it appear nga ang 300M is the budget for 650,000 doses. No. The 300M is the budget. The 650,000 doses is just our first order.  So it’s not 300M,” suno kay Leonardia.

Sa nahibaluan, ang Bacolod ang yara sa ikalima nga LGUs sa Pilipinas nga nagpain sang dako nga pondo para sa pagbakal sang bakuna kaangay sang Davao City, Quezon City, Makati City, kag Manila. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.