VALLADOLID: DRIVER SANG MOTORSIKLO NABUNGGUAN PATAY

Share on facebook
Share on google
Share on pinterest
Share on twitter
Share on print

Patay ang isa ka lalaki matapos ma aksidente las 7:30 sang gab-i sadtong Oktubre 6 sa Sitio Pawod Bangga Valladolid National Highschool Brgy. Palaka.

Ginkilala ang biktima kay Ricky Panibawan, 39 anyos residente sang Purok 7, Brgy. Palaka sa amo nga banwa samtang ginkilala naman ang driver sang pick-up nga si Alekhine Pampliega, 40 anyos residente sang Brgy. Bacuyangan, Hinoba-an kag sakay ang isa ka Police Officer 2 nga na destino man sa amo nga lugar.

Suno kay Senior Inspector Junjie Liba, hepe sang Valladolid PNP, ang pick-up nga gina maneho ni Pampliega ang gikan sa norte padulong sa sur nga direksyon. Samtang ang motorsiklo naman nga ginamaneho ni Panibawan ang gikan sa sur padulong sa norte.

Dugang pa ni Liba, pag abot sa lugar sang aksidente, nag liko pa wala si Pampliega sang hinali nalang nga nakabati siya sang lagabong sa idalom sang iya pick-up rason kon ngaa nag pundo ini.

Nahibalu-an nga na dus-dus pa sang salakyan ni Pampliega si Panibawan mga 5 ka metro. Base sa imbestigasyon sang mga kapulisan, posible madasig ang padalagan ni Panibawan rason kon ngaa wala na nakahawid ang iya nga preno.

Dugang pa, sa inisyal nga pag tan-aw sang mga kapulisan yara na ang pick-up sa iya nga “lane” sang matabo ang aksidente. Detinado karon sa custodial facility sang Valladolid PNP si Pampliega kag gina hulat kon mapasaka pa sang kaso ang pamilya ni Panibawan.


MORE STORIES:

LIKE US ON FB

error: Ooops... You are not authorized to copy this content.