UTILITY WORKER SANG NOHS NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nag positibo sa Covid-19 ang isa ka janitor sa Negros Occidental High School (NOHS).

Ang nag positibo ang residente sang Purok Roadside II, Barangay Alijis.

Sa interview sang Aksyon Radyo, gin pahayag ni Mario Amaca, Principal IV sang NOHS, sadtong Agusto 7 sang nag gwa ang janitor sa eskwelahan kag Agusto 9 sang ini ang nag balik sa NOHS.

Suno kay Amaca, protocol sang eskwelahan nga indi mag gwa ang mga janitor sang nag umpisa ang Covid-19 outbreak.

Suno sa Principal, sa pag balik sang janitor sa eskwelahan sang Agusto 9, nag batyag ini sang hilanat kag gin hatagan sang medical officer sang NOHS sang request for swabbing.

Agusto 12 sang gin swab ang janitor kag Agusto 16 sang nag gwa ang resulta nga positibo ini sa virus.

Gina lantaw ni Amaca, nga indi sa eskwelahan nakuha sang nag positibo ang masakit kundi sa komunidad.

Bangud sini, gin paidalum subong nga adlaw ang pito ka iban pa nga persona sa NOHS nga posible may exposure sa nag positibo.

Natalana man nga patigayunon ang disinfection sa enginneering kag clerical offices sang NOHS.

Ini ang una nga confirmed Covid-19 case nga narecord sa eskwelahan.

Nag pasiguro si Amaca nga istrikto ang mga health protocol nga gina patuman sa NOHS, may mga pulis nga naga bantay kag may yara sang triage area. | Aksyon Dale Salazar

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

DENGUE CASES SA BACOLOD NAGNUBO SANG 89.3%

Nagnubo sang 89.3% ang dengue cases sa syudad sang Bacolod sang 2020 ikomparar sang 2019.

Sa datus gikan sa Bacolod City Health Office (CHO, may yara lamang sang 287 ka mga dengue cases ang na record sang 2020 mas manubo ikomparar sa 2, 690 sang 2019.

Gin pahayag ni Dr. Edwin Miraflor, officer in charge sang Bacolod CHO, iya ginalantaw nga ang ginapatuman nga community quarantine ang dako nga bulig sa pagnubo sang kaso bangud naghatag ini sang tion sa mga pumuluyo para makapanglimpyo lakip man ang pagsira sang mga eskwelahan sang 2020.

Nagpanugyan si Miraflor sa publiko nga apiesar sang pagnubo sang dengue cases, indi sa gihapon nga mag kompyansa sa ano man nga bagay ilabi na ang Covid-19.

Padayun nga naga panugyan si Miraflor nga likawan ang mga matawo nga lugar, ipabilin ang malimpyo nga ugsaran, kag magpakigbahin sa mga programa sang gobyerno kaangay sang vaccination program.

MORE STORIES:

LIKE US ON FB

error: Ooops... You are not authorized to copy this content.