UNLIMITED DIALYSIS TREATMENT MAGAPADAYON

Share on facebook
Share on google
Share on pinterest
Share on twitter
Share on print

Magapadayon ang “unlimited dialysis treatment” nga benepisyo para sa mga dialysis patients tubtob nga wala pa sang panibag-o nga circular order nga ginpapanaug ang Philippine Health Insurance Corporation nga nagakakas sang amo nga programa apisar nga magatakop na sa Setyembre 15, 2020 ang deklarasyon sang state of calamity sa pungsod Pilipinas.

Sa interview sang Aksyon Radyo Bacolod kay PhilHealth-Bacolod Social Insurance Officer 1 Irene Solomon, ang mga probisyo sa paghatag sang special privileges ang nasaad sa PhilHealth Circular Order No. 7 series of 2020 kag wala pa nakabaton ang PhilHealth-Bacolod sang bag-o nga mando nga nagakakas sang effectivity sini.

Ang PhilHealth Circular Order No. 7 ang nagasaad sang Guidelines on the Provisions of Special Privileges to those Affected by a Fortuitous Event (Revision J).

Basi sa amo nga circular order, sa tion nga ginbatak na ang state of calamity kinahanglan sang justification letter gikan sa otorisado nga ahensiya sang lokal nga gobyerno kag ipasa sa PhilHealth Regional Office para sa validation kag approval agud magpadayon ang amo nga programa isa ka lugar.

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.