1.1 B NGA UNDERPASS PLANO PATUKURON SA BACOLOD

Share on facebook
Share on pinterest
Share on twitter
Share on print

Bacolod City- Target sang Department of Public Works and Highways (DPWH) nga mag tukod sang gina bulubanta 1.1 billion pesos nga underpass project sa crossing sang C.L Montelibano Drive kag Circumferential Road sa syudad sang Bacolod.

Nag umpisa ang plano matapos nga nag pangabay si Congressman Greg Gasataya sa DPWH angut sa pag patigayun sang feasibility study sa pag tukod sang underpass sa Bacolod.

Suno kay Gasataya, nag abot sa Bacolod subong nga adlaw (Nobiembre 8) si Bureau of Design Director Lea Delfinado kag consultant nga United Technologies Consolidated Partnership nga nag presentar sang inisyal nga plano sang proyekto sa opisyal sang syudad kag DPWH-Bacolod.

Ang consultant ang nag rekomendar nga sa nasambit nga lugar tukuron ang underpass pero nag rekomendar man si Gasataya nga i-konsiderar ang dalan Burgos.

Suno kay Gasataya, gina paabot nga matapos ang pag tuon sa una nga quarter sang 2019.

Suno naman kay District Engineer Abraham Villareal, ang underpass nga maga laba sang 600 metros kag may 4 lanes ang gina bulubanta maga balor sang 1.1 billion pesos lakip na ang right of way.

Ang pondo sang proyekto ang iga-propose nga malakip sa 2020 national budget. Sa tion nga matigayon ang proyekto, ini ang una nga underpass sa bug-os nga Western Visayas.*Aksyon Dale Salazar

(District Engineer Abraham Villareal)

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.