TWG NAG REKOMENDAR NGA PADAYUNON ANG PAG OPERATE SANG BRO CENTER

Share on facebook
Share on google
Share on pinterest
Share on twitter
Share on print
(City Administrator Em Ang FB Photo)

Nag rekomendar ang Technical Working Group (TWG) sang Bacolod IATF nga padayunon ang pag-operate sang Bacolod Respiratory Outpatient ukon BRO Center sa BAYS Center umpisa Mayo 16.

Suno kay City Administrator Em Ang, chairman sang TWG, ila na nasumiter ang rekomendasyon pero subject pa sa approval sang Bacolod IATF.

Dugang pa ni Ang, ang BRO Center ang maga serbe nga extension sang Bacolod City Health Office kag consultation center para sa mga naga batyag sang respiratory illness.

Gin paathag ni Ang bisan nga ma-lift na ang enhanced community quarantine sa Mayo 15, may yara sa gihapon sang pamahog sang Covid-19.

Isa sa gina lantaw nga hangkat sang City Administrator amo ang 12 ka mga volunteer doctors nga naga tanyag sang libre nga serbisyo sa BRO Center kasunod nga maga balik naman sa pagbukas sang ila nga clinic.

Suno kay Ang, may mga nurses nga empleyado sang Bacolod Government Center ang nag balik naman sa ila nga trabaho pero nag pasiguro ini nga may bilin pa nga mga medical frontliners sa BRO Center.

Nag pabor man si Vice Mayor El Cid Familiaran nga padayunon ang operasyon sang BRO Center. | Aksyon Dale Salazar

MORE STORIES:

ANU ANG IMO MA KOMENTO?

error: Ooops... You are not authorized to copy this content.