(adsbygoogle = window.adsbygoogle || []).push({});

TUL-AN SANG ISA KA REPORTED MISSING NGA PERSONA, NADISKUBRIHAN

Share on facebook
Share on google
Share on pinterest
Share on twitter
Share on print

Naukayan sang Bago City PNP ang tul-an sang 39 anyos nga kabulig sa balay, nga gin-report nga na-missing sadtong Abril 15, 2016 sa Sitio Kamonsil, Barangay Busay, syudad sang Bago. 

Suno kay Bago City Chief of Police Major John Joel Batusbatusan, nakig-angot sa ila istasyon ang pamilya ni Joey Jalandoon matapos nanugid sa ila ang testigo sa natabo nga pagpatay sa biktima.

Dugang pa ni Batusbatusan, gin-insister sang testigo nga wala na-missing si Jalandoon kag sa baylo ini ang ginpatay sang duha ka suspetsado nga iya nakaupod sa pag-inom kag ginlubong sa deep well, sa nasambit nga Sitio.

Tungod sa panaysayon sang testigo, ginkadtu-an sang otoridad ang lugar kag didto nakutkutan ang tul-an ni Jalandoon.

Palayag pa sang testigo nga iya nakit-an nga ginbuno sa liog kag ginlampusan sa ulo gamit ang martilyo si Jalandoon antes pa ginlubong sang mga suspetsado.

Positibo naman nga ginkilala sang pamilya nga tul-an ni Jalandoon ang naukayan bangod sa nabilin nga boxer shorts, t-shirt, jacket, cellphone kag silver necklace.

Samtang, kaso nga murder ang ipasaka subong nga adlaw, lunes sang kapulisan batuk sa duha ka identified na apang hungod nga wala ginhingadlan nga mga suspetsado.

MORE STORIES: