Pilason ang isa ka babaye matapos nga nabungoan sang truck ang iya puloy-an sa National Road, Sitio Cagay, Barangay Su-ay, syudad sang Himamaylan sadtong Lunes sang kaagahon.
Ang biktima ginkilala kay Amy Penida, 51 anyos nagapuyo sa amo nga lugar, samtang ang suspetsado nga driver sang truck amo naman si Ernie Parreno, 33 anyos nagapuyo naman sa Barangay Tabugon, syudad sang Kabankalan.
Sa imbestigasyon sang Himamaylan PNP, nagadalagan halin sa Sur pa Norte ang truck nga ginamaneho ni Parreno sang madulaan sang kontrol kag nagderetso sa puloy-an sang biktima.
Gilayon nga ginpadala sa hospital si Penida kag ginkustodiya naman sang otoridad si Parreno. | Aksyon Bryan Morden
What’s your Reaction?
+1
+1
+1
+1
+1
+1
+1
