TRUCK DRIVER NGA IMBOLBADO SA AKSIDENTE SA BRGY. GRANADA, GIN HILWAY

Share on facebook
Share on pinterest
Share on twitter
Share on print

Ginhilway na sa prisuhan ang driver sang truck nga imbolbado sa aksidente sa Bangga Carmen sa Brgy Granada kagab-i matapos ang 18 ka oras.

Suno kay Corporal Rodel Belarde, imbestigador sa amo nga aksidente, ila pa gina imbestigahan ang nagkalain-lain nga palayag sang driver sang truck nga si Jose Maria De Ocampo kag driver sang jeep nga ginasakyan sang mga biktima nga si Joshua Solomon Araujo.

Una diri, ginpalayag ni De Ocampo nga antes nya bayaan ang iya truck nga naka park sa higad sg dalan, nag butang ini sang early warning device apang suno kay Araujo wala sang early warning device sa likod sang truck.

Suno kay Belarde, iya pa ipamangkot sa mga saksi kon may nakita gid man sila nga early warning device bangud sa inisyal nga imbestigasyon wala sang guba nga early warning devices sa lugar sang aksidente.

Dugang pa, naka-inom si Araujo bangud gikan ini sa pagtililipon. Ang aksidente ang nagresulta sa pagkapatay sg iya amay nga si Lorry Fernandez santang pilason naman ang asawa ni Araujo kag duha ka mga kabataan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.