MENU

TRUCK DRIVER NADAKPAN SA BUY BUST OPERATION

  • at 10:24 pm
Share on facebook
Share on pinterest
Share on twitter
Share on print

Dakop ang truck driver sa buybust operation sa North Bacayan, Barangay 19,syudad sang Victorias sadtong Miyekules las 11:30 sang kagab-ihon.

Ang suspetsado ginkilala kay Lolito Lachica, 40 anyos kag nagapuyo sa Barangay Tortosa, banwa sang Manapla. Sa pagpanguna ni PLt. Col. Eduardo Corpuz, hepe sang Victorias PNP, nakumpiskar sa puder ni Lachica ang balor 10,000 pesos nga ginapatihan shabu, drug paraphernalia, 400 pesos nga buybust money kag 500 pesos nga cash.

Kaso sa paglapas sang Republic Act 9165 ukon Comprehensive Dangerous Drugs Act of 2002 ang atubangon sang suspetsado. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

HINLO: MGA NAG RESIGN NGA MIEMBRO SANG PDP-LABAN MAY IHIBALO SA PLANO SA 2025

April 25, 2024

Ginlaragway ni Partido Demokratiko Pilipino – Lakas ng Bayan (PDP-Laban) deputy secretary general for Visayas, Atty. Jesus “Jayvee” Hinlo nga wala sa lugar ang ginhimo nga pagresign sang pulo (10) ka mga opisyal sang syudad sang Victorias, sa PDP-Laban Negros Occidental.

Ginklaro ni Hinlo nga may ihibalo ang mga aktibo nga miyembro sang ila partido sa plano nga pagpahamtang kay anay Victorias City Mayor Francis Frederick “Wantan” Palanca bilang kandidato sa pagka-gobernador sa Negros Occidental sa 2025 nga eleksyon sa idalom sang PDP-Laban.

Gin-ako ni Hinlo nga nakibot siya sa ginhimo nga pagresign ni Victorias City Vice Mayor Abelardo Bantug III kag siyam (9) ka mga konsehal sang syudad.

Nagapati si Hinlo nga suportahan sang taga syudad sang Victorias si Palanca, kun madayon ang pagkandidato sini bilang gobernador.

Si Hinlo ang gin-appoint bilang opisyal sang PDP-Laban sa Visayas nagligad nga Disyembre 2023, samtang si Palanca amo naman ang bise presidente sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
1
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.