SECTIONS

TRISKAD DRIVER PATAY MATAPOS NABUNGGUAN SANG 10 WHEELER TRUCK

  • at 11:25 pm
Share on facebook
Share on google
Share on pinterest
Share on twitter
Share on print

Patay ang trisikad driver matapos gindalasa sang truck sa Feria Street, Barangay Robles, banwa sang La Castellana sadtong sabado sang las 5 sang aga.

Ang napatay ginkilala kay Mars Magtang, 40 anyos, nagapuyo sa amo man nga lugar, samtang ang driver sang truck ginkilala kay Nardo Lagunday, 45 anyos nagapuyo naman sa Barangay Pandan, banwa sang Pontevedra.

Sa imbestigasyon sang La Castellana PNP, nagapungko ang biktima sa iya trisikad sang dalasaon sang 10 wheeler truck.

Ginhingagaw pa dala sa Elumba Clinic ang biktima apang gindeklara nga dead on arrival.

Nagsungka naman sa otoridad ang driver sang truck.

BACOLOD DILG CHIEF MADAYAG, NEGATIBO ANG RESULTA SA COVID19 TEST

January 27, 2021

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

January 27, 2021

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.