TRISIKAD DRIVER PATAY MATAPOS GIN BUNO SANG PAREHO NGA TRISIKAD DRIVER

Share on facebook
Share on google
Share on pinterest
Share on twitter
Share on print

Patay ang isa ka traysikad driver matapos ginbuno sang pareho nga traysikad drayber sa Purok Nangka, Brgy. 3 syudad sang Bacolod, Domingo nga adlaw.

Ang biktima ginkilala kay Dennis Panigue, 41 anyos samtang ang suspetsado naman amo si Judy Enopia, legal ang edad kag lunsay residente sang Purok Nangka, Brgy. 3 syudad sang Bacolod.

Suno kay Police Station 2 Commander Police Captain Leo Estopa, antis ang insidente, upod pa nga nag-inum sang makahulubog nga ilimnon sanday Panigue kag Enopia.

Pagpahayag ni Estopa, ginsaway ni Enopia si Panigue nga magpauli na kag may nagluntad nga pagbinaisay.

Nagpauli si Panigue sa ila balay apang suno kay Estopa nagkuha ini sang kutsilyo kag binangon kag gintuyo nga patyon si Enopia.

Nakadalagan si Enopia kag nagkuha man sang patalum.

Dead on the spot si Panigue matapos makaangkon sang madamo nga pilas sa lawas.

Arestado ang suspetsado kag natalana pasakaan sang kaso nga murder.

Wala pag-inchindihanay ang nagapanguna karun nga motibo sa krimen.

Paglaragway ni Estopa ang masami gid man nagama-oy kun hubog.

Ginapreparar na karun sang mga kapulisan ang mga dokumento kag ginahulat man ang desisyon sang pamilya sang napatay.

MORE STORIES:

LIKE US ON FB

error: Ooops... You are not authorized to copy this content.