Natumba ang isa ka trucking nga kargado sang tubo sa area sang Aquiles Zayco Highway, Barangay 1, syudad sang Kabankalan takna las 5:30 kaina sang hapon Sabado.
Ang driver sang truck ang ginkilala kay Jay Solera, 27 anyos, residente sang Purok Carpio, Barangay Salong, Kabankalan, nga nakaangkon sang minor injury.
Suno kay Lt. Jomel Salarda, deputy chief of police sang Kabankalan PNP, ang truck ang naga byahe gikan sa Sur padulong Norte sang natabo ang aksidente.
Dugang pa ni Salarda, naga pakita sa imbestigasyon nga posible nawad-an sang kontrol ang driver nga nag resulta sa pagkatumba sang truck sa tuo nga dalan.
Suno kay Salarda, maswerte nga nakalumpat kag nakadalagan ang tricycle driver nga si John Ortega, 20 anyos, sang Sitio Naga, Barangay Binicuil, Kabankalan, sang iya nakita nga naga hilay na ang tubo sa iya nga kilid.
Na pilpilan naman ang bumper sang isa ka SUV nga naga parking sa kilid sang dalan. Gin dala ang driver sang truck sa Lorenzo Zayco District Hospital sa Kabankalan.