TRICYCLE NAKABUNGO SA DUMP TRUCK, ANOM PILASON

Share on facebook
Share on pinterest
Share on twitter
Share on print

Pilason ang anum ka persona, matapos nakabungo ang tricycle sa dump truck sa Rizal Street, Barangay Poblacion banwa sang San Enrique, Myerkules sang hapon.

Ang mga biktima ginkilala nga sanday Roselyn Remo, 52 anyos, nagapuyo sa Barangay Nayon, Joe Encanto, 71 anyos, nagapuyo sa Barangay Cibucao, Elmer Luzung, 17 anyos, nagapuyo sa Barangay Poblacion, Chrispher Puasan, 19 anyos, pumuloyo sang Barangay Poblacion, Joey Villanueva, 30 anyos, nagapuyo sa Barangay Poblacion tanan bansa sang Enrique kag John Paul Garcia, 16, nagapuyo sa Barangay Taculing, Bacolod.

Ang driver sang dump truck ginkilala naman kay Gil Villanueva, 59 anyos, nagapuyo naman sa Dona Juliana Subdivision, Barangay Taculing, syudad sang Bacolod.

Suno kay PCapt Reynante Salgado, hepe sang San Enrique PNP, nag-ekis ekis ang dalagan sang tricycle nga ginsakyan sang mga biktima kag nagtabok sa pihak nga linya sang dalan kag nabungo sa nagapadulong nga truck.

Ang mga biktima padayon ginabulong sa hospital, samtang ang driver sang truck nahunong na sa San Enrique PNP para sa proper disposition. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.