TRICYCLE DRIVER NADAKPAN SA BUY BUST OPERATION SA HIMAMAYLAN

Share on facebook
Share on google
Share on pinterest
Share on twitter
Share on print

Dakop ang isa ka tricycle driver matapos ginpatigayon ang buybust sa Sitio Cgay, Barangay Suay, Syudad sang Himamaylan.

Ang suspetsado ginkilala kay Joven Ramos, 48 anyos, nagapuyo sa amo man nga lugar kag ini ginakabig kag street level individual ukon SLI.

Sa pagpanguna ni PMaj Romeo Vargas, hepe Himamaylan PNP, tigayon nga nagbaklan si Ramos sang ginapatihan shabu kag nakuha sa iya puder ang lima ka gramo nga may market value nga 87, 500 pesos, drug pharapinalia subong man 500 pesos nga buybust money.

Kaso nga paghupot kag pagbaligya ang atubangon ni Ramos sa idalum sang Republic Act 9165 okon Comprehensive Dangerous Drugs Act of 2002. | Aksyon Bryan Morden

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

MORE STORIES:

LIKE US ON FB

error: Ooops... You are not authorized to copy this content.