TRAVEL RESTRICTION HUMALIN TABUELAN PAKADTO ESCALANTE, GIN KAKAS NA

Share on facebook
Share on google
Share on pinterest
Share on twitter
Share on print

Ginkumpirmar ni Philippine Coast Guard-Negros Occidental Commander Jansen Benjamin nga nabaton na sini ang panibag-o nga advisory halin kay Mayor Raul Gerona, sang Tabuelan, probinsya sang Cebu napetsahan Hunyo 21, 2020 nga ginkakas na ang travel ban para sa mga pasahero nga magatabok halin sa Tabuelan Port pakadto sa Escalante City, Negros Occidental.


Suno kay Benjamin, ang mga Locally Stranded Passengers (LSIs) nga may travel documents lamang ang pwede makasakay sa mga sakayan pandagat pasulod sa probinsya base man sa executive order nga ginpagwa ni Negors Occidental Governor Eugenio Lacson.

Dugang pa ni Benjamin, ang mga LSIs gikan sa probinsya sang Cebu ang mahimo makatabok kun may koordinasyon sa probinsya agod maakomodar depende sa kapasidad sang quarantine facility sang probinsya.

Ginklaro ni Benjamin nga nagapabilin nga wala ginapahanugutan ang mga LSIs halin sa syudad sang Cebu tungod nagapabilin pa ang lugar sa Enhaned Community Quarantine.

Samtang, gina-abi abi ni Vice Mayor El Cid Familiaran pag kakas sang travel restriction.

Suno kay Familiaran, handa ang nga mag baton sang mga Bacolodnon LSI nga na stranded sa puerto kag ang importante nga ma isolate ang mga ini pag abot sa probinsya.

Dugang pa ni Familiaran, dako nga risgo nga ang mga na stranded sa Tabuelan Port ang ma expose sa virus bangud yara lamang sila naga tinir sa pampubliko nga lugar upod ang iban nga mga pasahero.

Suno sa Bise-Alkalde, ang mga opisyal ang may moral obligation para papulion ang mga LSI sa Bacolod.

Nag lambot man kay Familiaran ang video nga gin post sang mga na stranded sa Tabuelan Port nga taga Bacolod kag Negros Occidental nga naga pangayo sang bulig sa ila kasunod nga kompleto naman ang ila mga dokumento.| Aksyon Alvin Grava, Aksyon Dale Salazar

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

MAAKOMODAR SA BOSS NAGSAKA SA 500 KADA ADLAW

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.