TRAFFIC ENFORCERS, POSO PERSONNEL KAG IBAN PA IPAIDALUM SA SURVEILLANCE TESTING SA MAABOT NGA WEEKEND

Share on facebook
Share on google
Share on pinterest
Share on twitter
Share on print

Sa maabot nga weekend, patigayunon sang Bacolod Emergency Operations Center ukon EOC ang masunod nga surveillance testing sa Bacolod Respiratory Outpatient Center.

Suno kay Executive Assistant Ernesto Pineda, pamuno sang Sectoral Concern Office, subject sang surveillance testing ang mga traffic enforcers ka Bacolod Traffic Authority Office, personnel sang Public Order Safety Office ukon POSO, transport sector, kag iba pa. Dugang pa ni Pineda, ipaidalum man sa testing, ang mga riders nga wala nag pasakop sa surveillance testing nag ligad nga Nobiembre 28 kag 29.

Suno kay Pineda, kapin 548 ka mga riders ang una napaidalum sa testing nag ligad nga Sabado kag Domingo kag bwas nga adlaw, Myerkules gina paabot nga mag gwa na ang resulta gikan sa laboratoryo sa syudad sang Cebu.

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.