MENU

TRAFFIC ENFORCER GINLUTHANG, PILASON

  • at 10:37 pm
Share on facebook
Share on pinterest
Share on twitter
Share on print

Pilason ang 52 anyos nga traffic enforcer matapos ginluthang samtang nagapapuli gikan sa trabaho sa Hacienda Pula, Barangay E-Lopez, syudad sang Silay kaina sang hapon, Martes.

Ginkilala ang biktima sa kay Joel Alejo nga nakaangkon sang pilas sa nawala nga bahin sang kilid.

Sa interview sa Aksyon Firing Line, ginpahayag ni Silay PNP Commander Police Major Rollie Pondevilla nga naggwa sa imbestigasyon nga ginsundan si Alejo sang suspetsado nga sakay man sa motorsiklo kag ginluthang.

Narecover sa eksena sang insidente ang isa ka basiho sang kalibre 45 nga armas luthang.

Sa karon, gina usisa pa sang kapulisan kon ano ang motibo sang krimen subongman, identity sang suspetsado. | Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

CLO, NAGSABAT SA NAGA KWESTYON SA MANOKAN COUNTRY REDEVELOPMENT PROJECT

April 16, 2024

Wala sang may nakit-an problema legal si Bacolod City Legal Officer Atty. Romeo Carlos Ting Jr. sa redevelopment project sang Manokan Country.

Nagpagwa sang apat ka pahina nga legal opinion si Ting matapos nga nagpadala sang reklamo si Roger Reyes, Vice President sang Task Force Kasanag, nga naga kwestyon sa legalidad sang lease agreeement sa tunga sang LGU kag SM Prime Holdings Inc.

Ginpahayag ni Ting, ang reklamo ang ginsumiter sa SM kag ini ang gintugyan sa LGU.

Ginpahayag ni Ting, legal ang 40 ka tuig nga pag renta sang SM sa Manokan nga kabahin sang public market sang LGU base man sa ordinansa kag wala man ini gin deklarar nga heritage site.

Ini matapos ginakwestyon sang tagreklamo nga tubtob lamang 25 ka tuig ang lease agreement para mangin constitutional.

Suno kay Ting, kon basehan ang layi, tubtob 90 ka tuig ginatugutan ang pag renta sang propedad sang gobyerno.

Ginpaathag pa ni Ting, ang chicken inasal amo ang gindeklarar nga cultural property sang syudad kag indi ang Manokan Country.

What’s your Reaction?
+1
0
+1
0
+1
0
+1
0
+1
0
+1
0
+1
0

ANUM KA REGISTRATION SA COMELEC BACOLOD WALA GIN APRUBAHAN SANG ERB

April 16, 2024

Wala gin aprubahan sang Election Registration Board ukon ERB ang registration sang anum ka mga indibidwal sa Comelec Bacolod.

Ini kadungan sa pag umpisa sang ERB hearing subong nga semana sa masobra 12 mil ka mga indibidwal nga nag parehistro sa Comelec Bacolod sa una nga quarter sang tuig.

Suno kay Election Officer Atty. Kathrina Trinio-Caña, chair sang ERB, ang mga wala na aprubahan ang bangud may existing nga registration sa iban nga lugar, matapos nakit-an ang ila ngalan sa national list of registered voters sa Comelec national.

Ginpahayag ni Trinio-Caña, indi dapat ‘new’ ang application sang mga wala gin aprubahan kundi dapat ‘transfer of registration’.

Pero ginklaro ni Trinio-Caña nga pwede pa sa gihapon nga maka parehistro ang mga wala na aprubahan pero ‘transfer of registration’ na ang type of application.

Gina amat-amat naman deactivate sang ERB ang 24 mil ka mga registration nga napaslawan nga makaboto sa duha ka sunod-sunod nga eleksyon.

Iga cleanse man sang Comelec ang listahan sang mga botante nga nagtaliwan na ukon nagsaylo sang ila registration.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.