TOP 2 SA DRUG PRIORITY TARGET SANG TALISAY PNP, NADAKPAN

Share on facebook
Share on google
Share on pinterest
Share on twitter
Share on print

Arestado ang rank 2 Top 10 Drug Priority Target  sang Talisay City PNP paagi sa buybust operation sa Brgy. Zone 10 sang amo nga syudad.

Ang  suspek ginkilala kay Antonio Dela Peña Jr. 37 anyos sang Brgy. Zone 9.

Suno kay P/Maj. Jigger Gimeno, hepe sang Talisay PNP, si Dela Peña ang ginakabig sang ila hanay bilang High Value Individual Drug Personality sa diin narekober sa suspek ang (13) trese ka heat sealed transparent plastic sachet sang ginasuspetsuhan shabu nalakip na dire ang buybust item.

Priso karon si Dela Peña sa custodial facility sang Talisay City PNP. | Aksyon Alvin Grava

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.