TOBOSO MAYOR JAOJOCO MAY HANGKAT KAY SB DELA TORRE

Share on facebook
Share on google
Share on pinterest
Share on twitter
Share on print

Ginhangkat ni Toboso Mayor Richard Jaojoco si Municipal Councilor Madelene Dela Torre nga magresign sa pwesto, kun mapamatud-an sini nga indi 8,000, kundi masobra sa 9,000 ka sako ang bugas nga naka stock sa municipal gymnasium, bilang bulig sa mga apektado sang Covid-19 sa banwa.

Suno kay Jaojoco, handa man siya nga magresign kun mapamatud-an ni Dela Torre ang akusasyon batok sa iya.

Una diri, ginkuwestyon sang kunsehal ang kapaslawan ni Jaojoco sa pagtuman sa ginpromisa sini nga petsa agud mapanagtag ang rice assistance.

Apang ginklaro sang alkalde nga iya lamang ginapasiguro nga indi mawad-an sang supply ang ila banwa, bangud magluwas sa indi mapaktan nga kalawigon sang krisis sa Covid-19, may ginapaabot pa nga problema angot sa pagsira sang galing sa mga sentral, ukon ginatawag nga tiempo muerto.

Gina kabig ni Jaojoco nga pamulitika ang akusasyon ni Dela Torre.

Gin bulgar ni Dela Torre ang una nga naghangyo nga mag-upod sa iya linyada nagligad nga eleksyon, apang wala matigayon kabangdanan nga napilitan ini nga magsaylo sa iban nga grupo.

Suno sa alkalde, kabahin lamang sa iya estratihiya ang ginhimo nga pagtalana liwat sa schedule sa pagpanagtag sang bugas, agud indi mawad-an sang supply ang ila banwa.

Sa privilege speech ni Dela Torre sa sesyon sang Sanguniang Bayan sadtong Hulyo 7, iya ginsiling nga napaslawan si Jaojoco sa pagtuman sa ginpromisa sini nga pagpanagtag sang rice assistance kag sardinas umpisa Hunyo 11. | Aksyon Marlon Genovea

NOCPPO MAY DUGANG DUHA KA COVID-19 CASES

Nadugangan sang 2 ka kaso sang COVID-19 ang Negros Occidental Police Provincial Office ukon NOCPPO.

Suno kay NOCPPO Deputy Spokesperson P/Lt. Abegael Donasco, indi pa nila mapalayag kun diin nga estasyon sila na assign, bangud padayon pa nga ginahibalo ang ila mga estado.

Dugang ni Donasco, ang mga ini asymptomatic nga gilayon ginpahamtang sa isolation facility kag padayon na ang contact tracing.

Karun sini, may 40 na nga nagpositibo sa kapulisan sa idalum sang NOCPPO kag duha lang ang aktibo.

Ginpasiguro naman sang NOCPPO nga indi maapektuhan ang transaksyon sa mga estasyon nga may nagpositibo nga pulis. | Aksyon Bryan Morden

DUHA PILASON SA PAGBUNGGUANAY SANG DUHA KA MOTORSIKLO

Kapilasan ang naangkon sang duha ka driver sang ini maaksisente nga mabungoan sang isa motorsiklo ang isa pa ka motorsiklo sa Sitio Mabuni, Barangay Guadalupe, Syudad sang San Carlos.

Ang mga pilason ginkilala kay Romulo Dacillo, legal ang edad kag nagapuyo sa Barangay Gabiga, Banwa sang Lalibertad, Negros Oriental, samtang ang isa naman ginkilala kay Edmar Barbecho, legal ang edad kag nagapuyo naman sa Phase 2, Urban, Barangay Rizal Syudad sang San Carlos.

Suno kay PLt Roby Aurita, Deputy of Police sang San Carlos PNP, nag-uturn si Barbecho tabok sa pihak nga dalan sang bungoan ni Dacillo nga nagpadulong.

Dugang ni Aurita, sila nga duha pareho nga wala nakatalupangod, rasun nga naglutad ang aksidente.

Ginakabig sang otoridad nga malubha ang kapilasan ni Dacillo rasun nga gin-refer ini sa Bacolod nga Hospital, apang ginhangyo sang pamilya nga sa Dumaguete nalang para malapit para sa ila. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.