TIYO GINAPATIHAN NAKA-SHABU; GINBUNO PATAY ANG IYA HINABLOS, HINABLOS NASAL-AN NGA IDO

Share on facebook
Share on google
Share on pinterest
Share on twitter
Share on print

BACOLOD CITY – Patay ang anum ka tuig nga bata matapos ginbuno-buno sang iya kaugalingon nga tiyo samtang nagakatulog kaina pasado las dose sang kaagahon sa ila nga puluy-an sa Purok Sigay, Barangay Singcang Airport syudad sang Bacolod.

Ang bata ang ginkilala kay Nonoy Antonio, samtang ang suspetsado nga tiyo ang ginkilala kay Arnel Antonio.

Sa report sang kapulisan sang Police station 8, indi magnubo sa 22 tanan ka pilas sa pagbuno gamit ang “buckle knife” ang naangkon sang biktima nga amo ang gintunaan sang iya kamatayon.

Sa interview sang Aksyon Radyo kay Cherilyn Salgado, tiya sang biktima, sa ila pa nga puluy-an nagpanyapon ang mag-tiyo antis natabo ang krimen.

Matapos ang pagpanyapon, nag upod si Nonoy sa puluy-an ni Arnel agud didto magtulog.

Sa dugang nga panaysayon sang Tiya, mga las 12:30 ang takna sang kaagahon sang may nabatian ini siya sa puluy-an ni Arnel nga nagasinggit “aguy to! aguy to!”.

Didto kag dali-dali nagpanaog ang tiya agud usisaon ang natabo apang ginkakibot sini sang nasapwan nga nagatil-ak na si Nonoy.

Gilayon sini nga ginpangita si Arnel apang nagpalagyo na ini kag nagpanago sa puluy-an sang ila man lang nga himata. Sang nahibaloan nga didto nagpanago si Arnel, gilayon nga nagtawag sang kapulisan kag didto gindakop ang suspetsado.

Sa interview naman sang Aksyon Radyo sa suspek, nagangoy-ngoy lamang ini nga gin-ako ang krimen.

MORE STORIES:

ANU ANG IMO MA KOMENTO?