SECTIONS

Today is:

TIYO GIN LUTHANG SANG HINABLOS, PATAY

Share on facebook
Share on google
Share on pinterest
Share on twitter
Share on print
Patay ang tiyo matapos ginluthang sang iya hinablos sa Sitio Little Baguio, Brgy. Bagawines, banwa sang Vallehermoso, Negros Oriental las 7 ang takna sini gid lang nga aga Oktubre 23. Ginkilala ang biktima kay Jesus Dayoha, 66 anyos samtang ang suspetsado ang ginkilala naman kay Danilo Dayoha, 47 anyos lunsay mga residente sang amo nga lugar.
Suno kay Senior Inspector Louie Batuto, hepe sang Vallehermoso PNP, si Jesus ang anay miembro sang Bagawines, Ulayu, Cabulihan, Farm Workers Association ukon BUCFWA apang naggwa na samtang miembro naman sa gihapon si Danilo.
Dugang pa madugay na nga may komplikto sa duta ang magtiyo. Dugang pa ni Batuto, kahapon nga adlaw may mga kapulisan nga ginpahamtang sa lugar agud mapabilin ang kalinong sa lugar apang sini gid lang nga aga bag-o paman makabalik sa lugar ang mga kapulisan natabo na ang amo nga insidente. 
Na rekober sa crime scene ang calibre 9mm armscore nga armas luthang, 4 ka basiyo kag 4 ka bala nga wala pa makalupok. Matapos gin himo ang krimen, gilayon man nga nag sungka si Danilo sa mga kapulisan kag magapangatubang sang kaso nga homicide kag paglapas sa layi nga paghupot sang ilegal nga armas luthang. 
Ginklaro ni Danilo Dayoha nga may isa ka miembro sang BUCFWA nga naglabay sa puluy-an ni Jesus kag gin alegar ginpalukpan ini siya rason kon ngaa nanugid ini sa ila nga grupo. 
Gilayon nga nagpadulong si Danilo sa balay sang iya tiyo agud nga komprontahon ini. 
Dugang pa sang suspek ginsugata siya ni Jesus kag ginlabo sa nagkalain lain nga bahin sang iya lawas rason kon ngaa nagkuha ini sang armas luthang kag ginluthang ang tiyo. 
Nahibaluan nga apisar nga indi na miembro si Jesus sang BUCFWA isa siya sa gihapon sa mga benepisyaryo kag may 2.5 hectares nga share nga gin award na sang Department of Agrarian Reform sa ila grupo apang wala pa napang partida sa kada miembro.

MORE STORIES:

ANU ANG IMO MA KOMENTO?