TESDA NEGROS OCCIDENTAL NAGKLARO NGA INDI NILA EMPLEYADO UKON TRAINER ANG LALAKI NGA NADAKPAN SA BUY-BUST OPERATION SA TALISAY CITY

Share on facebook
Share on google
Share on pinterest
Share on twitter
Share on print

Ginklaro sang Technical Education and Skills Development Authority (TESDA) Negros Occidental nga indi nila empleyado ukon Trainer sang TESDA Technology Institutions (TTIs) si John Paul Insular nga nadakpan sa buy bust operation sang kapulisan sa syudad sang Talisay sadtong Oktubre 21, 2020.

Sa statement nga ginpagwa kag pirmado ni TESDA Provincial Director Bayani Gofredo, ginpahayag nga si Insular isa lamang ka TVET trainer sa isa sang ila registered schools.

Ginpahayag man ni Gofredo nga mabaskog nga ginasuportahan sang TESDA ang kampanya sang gobiyerno batuk sa illegal drugs kag indi pag i-tolerar sang opisina ang ano man nga hinimuan sang nagakalain lain nila nga partners, assessors, trainers kag empleyado nga nagalapas sa amo nga kampanya.

Nagalaom si Gofredo nga magaserbi ini nga pananumdom sa tanan nga TVET trainers kag assessors nga dapat sundon ang legal agod mapreserba ang ngalan kag dignidad. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.