TAYTAY SA BAGO NARUSDAK MATAPOS NAG LABAY ANG TRUCK NGA KARGADO SANG CONSTRUCTION MATERIALS

Share on facebook
Share on google
Share on pinterest
Share on twitter
Share on print

Narusdak ang katunga sang taytay nga alagyan pasulod sa Buenos Aires Mountain Resort sa Purok Kalubihan 1, Barangay Ilijan, syudad sang Bago matapos nag labay ang truck nga kargado sang construction materials, kaina sang udto, Sabado, Hunyo 6.

Suno kay Jojo Española, drayber sang truck kag residente sang amo man nga lugar, nakibot na lamang ini sang hinali nalang nga nag-isol ang salakyan kag nadagdag.

Pagpahayag ni Española, indi man overloaded ang karga sang truck kag makapila naman ka beses nga nagalabay sa amo nga lugar agud makatabok pakadto sa resort.

Upod ni Española ang iya nga helper nga ginkilala kay alyas “Baba Halipa” sang nagluntad ang aksidente.

Ang amo nga taytay ang alagyan padulong sa resort kun sa diin may ginakonstrak nga isa ka establisyemento.

Temporaryo karun nga ginsirad-an ang taytay samatang nagapatigayon pa sang imbestigasyon ang City Engineering Office sang syudad sang Bago.

Wala sang may nasamaran sa aksidente. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.